Esuk iki binarung sumiliring angin kang seger, Gawea analisis unsur intrinsik paraga crita
Esuk iki binarung sumiliring angin kang seger, Wulandari utawa Wulan mecaki plataran kampus Fakultas Kedhokteran Universitas Airlangga. Nalika anggone mlaku kepenak, ana vespa mlaku rikat banget meh nyrempet dheweke. Anggone kedadean kuwi Wulan kenalan karo Rudy. Wulan paling seneng karo priya kang kaya Rudy kuwi, sigrak, grapyak, ceplas-ceplos. Pikirane ora jenjem tansah tumuju priya nggantheng kang nembe wae ditepungi. Esem lan guyune kang renyah katon bisa nothok lawang ati sing wis sawetara nutup kanggo priya lan katresnan.
Dina-dina candhake memitrane Wulan karo Rudy tansah raket. Utami ya melu seneng yen Wulan wis bisa mbukak ati kanggo priya liya. Sebab Wulan biyen pernah duwe ser-seran ati namung ra direstui dening wong tuwane pehak lanang, Wulan ora lelas asal-usule lan digedhekake nang panti asuhan. Ya wiwit kuwi Wulan jinja banget marang priya lan katreşnan. Dheweke banjur mligi mikirake pasinaon nganti kelakon "pelajar teladan" sa-Jawa Timur lan entuk beasiswa saka pamarentah nganti bisa nerusake ing Fakultas Kedhokteran UNAIR.
Sajatine ana priya sing duwe rasa tresna marang Wulan arane Hinaryanto. Sanajan Hinar oleh saingan abot nanging dheweke pantang mundur arep terus bersaing karo Rudy. Hinar iku bocah meneng. luwih nggantheng tinimbang Rudy.
Kapethik saka: Dhokter Wulandari
Gawea analisis unsur intrinsik paraga crita kasebut!
Wangsulan:
- Wulandari watake ati-ati amarga wis tau lara ati. ”Ya wiwit kuwi Wulan jinja banget marang priya lan katresnan.”
- Rudi wateke sigrak, grapak, lan ceplas-ceplos. ”Wulan paling seneng karo priya kang kaya Rudy kuwi, sigrak, grapak, ceplas-ceplos.”
Post a Comment for "Esuk iki binarung sumiliring angin kang seger, Gawea analisis unsur intrinsik paraga crita"