Tembang kang isine wong sugih carita nanging ora pantes ditiru mapan ing pada
Pada 1
Mulane wong anom iku
Abecik ingkang taberi
Jejagongan lan wong tuwa
Ingkang sugih kojah ugi
Kojah iku warna-warna
Pada 2
Ana ala ana becik
Ingkang becik kojahipun
Sira anggoa kang pasthi
Ingkang ala singgahana
Aja sira anglakoni
Lan den awas wong akojah
Iya ing mangsa puniki
Pada 3
Akeh wong kang sugih wuwus
Nanging den sampar pakolih
Amung badane priyangga
Kang den pakolehaken ugi
Panastene kang den umbar
Nora anganggo sawatawis
Pada 4
Aja na wong bisa tutur
Amunga ingsun pribadhi
Aja ana ingkang memadha
Angrasa pinter pribadhi
Iku setan nunjang-nunjang
Tan pantes den pareki
Pada 5
Sikakna den kaya asu
Yen wong kang mangkono ugi
Dahwen apan nora layak
Yen sira sandhinga linggih
Nora wurung katularan
Becik singkirana ugi
Pada 6
Poma-poma wekas ingsun
Mring kang maca layang iki
Lair batin den estokna
Saunine layang iki
Lan den bekti mring wong tuwa
Ing lair praptaing batin
Tembang kang isine wong sugih carita nanging ora pantes ditiru mapan ing pada ....
A. 1 lan 2
B. 3 lan 4
C. 4 lan 5
D. 5 lan 6
Wangsulan:
Tembang kang isine wong sugih carita nanging ora pantes ditiru mapan ing pada 3 lan 4.
Post a Comment for "Tembang kang isine wong sugih carita nanging ora pantes ditiru mapan ing pada"