Adipati Karna Nalika lair, Adipati Karna dilarung ing kali dening ibune, Dewi Kunthi,

Wacan kanggo pitakonan nomer 6-8.

Adipati Karna

Nalika lair, Adipati Karna dilarung ing kali dening ibune, Dewi Kunthi, banjur ditemu dening kusir kraton jenenge Adirata, banjur diwenehi jeneng Wasusena. Sanajan mung anak kusir, Adipati Karna wiwit cilik nduweni karep kang gedhe kanggo ngangsu kawruh.

Adipati Karna nduweni kadigdayan lan kaprigelan manah sing bisa nandhingi Raden Arjuna. Raden Arjuna iku panengahing Pandhawa kang misuwur kaprigelane nganggo gaman panah. Adipati Karna nduweni utang budi karo. Prabu Duryudana amarga Prabu Duryudana bisa nampa Adipati Karna sing namung anak kusir. Bareng wis diwasa, Karna dadi adipati ing Ngawangga sawise ngalahake Prabu Karnamadra, raja ing kadipaten kasebut.

Adipati Karna kagungan garwa asmane Dewi Surtikanthi lan kagungan putra asma Raden Warsakusuma lan Adipati Taruna. Pusakane kang ampuh yaiku Panah Kuntawijayadanu, uga kagungan kuda minangka titihan kang aran Ciptaplanagati. Adipati Karna gugur ing palagan nalika dadi senapatine Kurawa ing Perang Baratayuda.

6. Paraga wayang kang dadi panengahing Pandhawa yaiku ….

   A. Prabu Puntadewa

   B. Raden Arjuna

   C. Raden Werkudara

   D. Raden Nakula

   E. Raden Sadewa

Wangsulan:

Paraga wayang kang dadi panengahing Pandhawa yaiku Raden Arjuna.

Jawaban: B

7. Ibune Adipati Karna yaiku ….

   A. Dewi Madrim

   B. Dewi Gandari

   C. Dewi Surtikanthi

   D. Dewi Rukmini

   E. Dewi Kunthi

Wangsulan:

Ibune Adipati Karna yaiku Dewi Kunthi.

Jawaban: E

8. Pusakane Adipati Karna kang kawentar ampuh yaiku ....

   A. Pasopati

   B. Kuntawijayadanu

   C. Ciptaplanagati

   D. Caping Basunanda

   E. Kyai Tunggulnaga

Wangsulan:

Pusakane Adipati Karna kang kawentar ampuh yaiku Kuntawijayadanu.

Jawaban: B

++++++++++++++++++++++++++

Semoga Bermanfaat dan Berkah

Jangan Lupa Belajar Terus

Ingat Cita-Cita, Orang Tua, dan Keluarga

Share :