Owahana mawa basa krama alus ukara-ukara ing ngisor iki! a. Sujarah Bengawan Solo lan

Owahana mawa basa krama alus ukara-ukara ing ngisor iki!

a. Sujarah Bengawan Solo lan Kutha Solo ing jaman semono tumekaning saiki ora bisa dipisahake.

Basa krama alus: Sujarah Bengawan Solo kaliyan Kutha Solo wonten jaman semanten ngantos samenika boten saged dipisahaken.

b. Ahli geologi saka Walanda tau nulis bab dumadine saperangan kidul lemah Jawa.

Basa krama alus: Ahli geologi saking Walanda nate nganggit babagan dumadosipun saperangan kidul tlatah Jawa.

c. Cara kang kapisan yaiku ndadekake basa Jawa minangka wulangan wajib ing kabeh tataran.

Basa krama alus: Cara ingkang sepindhah inggih punika ndadosaken basa Jawa minangka piwulang wajib ing sedaya tataran.

d. Bapak arep tindak menyang Pasar Depok mundhut pitik kate.

Basa krama alus: Bapak badhe tindak dhateng Peken Depok mundhut pitik kate.

e. Nalika aku mangkat sekolah, pakdhe lagi maos koran ing teras.

Basa krama alus: Rikala kula bidhal sekolah, pakdhe nembe maos ariwarti wonten teras.

f. Bu lta mau ngendika supaya dadi murid sing sregep sinau.

Basa krama alus: Bu Ita wau ngendikan supados dados murid ingkang sregep sinau.

g. Ibu kondur saka Jakarta, banjur sare amarga krasa kesel.

Basa krama alus: Ibu kondur saking Jakarta, lajeng sare amargi kraos sayah.

h. Astane Pak Jaka gerah amarga tiba saka sepedha.

Basa krama alus: Astane Pak Jaka gerah amargi dhawah saking sepedha.

i. Bangsa Indonesia kondhang minangka bangsa kang sugih kabudayan.

Basa krama alus: Bangsa Indonesia misuwur minangka bangsa ingkang sugih kabudayan.

j. Crita rakyat bisa kotemokake ing saben dhaerah Indonesia.

Basa krama alus: Crita rakyat saged panjenengan panggihi ing saben wewengkon Indonesia.

++++++++++++++++++++++++++

Semoga Bermanfaat dan Berkah

Jangan Lupa Belajar Terus

Ingat Cita-Cita, Orang Tua, dan Keluarga

Mas Dayat